Ришат Төхвәтуллин махсус хәрби операциядәге егетләргә ярдәм җыючылар алдында чыгыш ясаган

Карамалы-Гөбәй авылында маскировка челтәрләре үтү пункты узган елның ноябрендә ачылган. Авыл кешеләре җирле мәдәният йортында мобилизацияләнгән егетләр өчен москит челтәрләре үрә. Инициатив төркемгә 34 җирле хатын-кыз керә икән, нигездә, пенсионерлар. Авылдашлары аларны «боевая 34-ка»дип атый.

Ришат волонтерлар белән аралашкан, челтәр үтү өчен ниләр кирәклеге турында сораган. Хатын-кызлар элек материалны үз акчаларына сатып алуларын, ә хәзер аларга «Маскита» волонтерлар клубы ярдәм итүләрен сөйләгәннәр.

– Аларның барысына да афәрин диясе кала, - дигән җырчы авылдашлары турында. - Монда һәр буш минутлары калган саен ятьмә ясарга киләләр. 91 челтәр инде үрелгән! Минем әнием клубта сәнгать җитәкчесе булып эшли, шулай ук волонтер булып тора. Күптән түгел башка хатын-кызлар белән бергә окоп шәмнәре ясаган. Безнең авыл җирлегеннән махсус хәрби операция зонасына берничә кеше китте. Авылдашлар алар өчен тырышалар. Барысы да исән-сау кайтсын.

Ришат җәй көне хатыны Алия белән Уфада концерт оештырырга планлаштыра, аннан кергән акчалар махсус хәрби операция ихтыяҗларына китәчәк, дип хәбәр иткән җырчы.