Россия Герое Мәгьсүмовның хатыны Путинга ачык хат язган

Хатта ул Красноярски кешесе ЧВК Вагнер хәрбие турында мисал китерә, аны шулай ук җинаять кылуда гаеплиләр. Анна сүзләренчә, сугышчыны ялган гаепләүләр буенча төрмәгә җибәргәннәр.

— Ирем Ирек Мәгъсүмовны (өч Батырлык ордены, «Сугышчан батырлыклары өчен» медале һәм «Алтын Йолдыз» Россия Федерациясе Герое медале белән бүләкләнгән) 18 яшьлек кызны үтерүдә гаепләп төрмәгә утыртырга тырышалар. Эш шунда ки, элегрәк бер хәрби хезмәткәр үзен гаепле дип танып ике тапкыр тикшерү комитетына мөрәҗәгать иткән. Бу Павел Яськевич. Ул шәхсән үзе килеп, җинаятьне таныса да, тикшерүче аның күрсәтнамәсен чүп савытына ташлаган, – дип яза ул үзенең хатында.

Шундый ук эчтәлектәге ачык хатларны Анна шулай ук Россия Оборона министры Сергей Шойгу һәм Россия Тикшерү комитеты башлыгы Александр Бастрыкинга җибәргән.

Кызганычка каршы, Александр Ивановичта (Бастрыкин прим.ред.) бу мәсьәлә буенча катгый фикер барлыкка килде. Аның ярдәме булмаса, бу эшне аңлау бик авыр. Минемчә, аңа мәгълүматны башкача җиткергәннәр һәм яклау ягын ишетергә беркем дә теләми. Һәрвакыт ике як бар һәм ике якны да тыңларга кирәк. Ләкин безнең зарларга беркем дә җавап бирми һәм аларны даими рәвештә түбәнгәрәк төшерәләр, – ди офицерның хатыны.

Үзенең ачык хатында ул җинаять эше материалларын Россия Федерациясе Дәүләт Думасы депутаты Александр Хинштейн өйрәнгәнен хәбәр итә.