Россиядә бер продуктка бәяләр арткан

«Эвотор» компаниясе белгечләре челтәр булмаган ваклап сату базарын анализлаганнар һәм россиялеләр октябрьдә сатып алган шоколад плиткаларының бәяләре һәм авырлыгы ничек үзгәрүен ачыклаганнар. Узган ел белән чагыштырганда шоколад плиткасының уртача авырлыгы 4% ка кимегән булып чыкты. Хәзер ул 76 грамм тәшкил итә. Шул ук вакытта бәя өчтән бер өлешкә диярлек арткан: ул 1 грамм өчен 1,3 сумга җиткән. Ел башыннан бәяләр үсеше 24% тәшкил итте.

Экспертлар билгеләп үткәнчә, шоколад плиткаларының авырлыгы сезонлы тирбәнешләргә дучар. Декабрь һәм март айларында сатып алучылар бүләк сыйфатында авыррак плиткаларны өстен күрә.

Россиянең төрле төбәкләрендә шоколадка бәяләр аерыла. Граммы өчен иң югары уртача бәя-Чукоткада (2,61 сум), ә иң түбәне — Калмыкиядә (1 сум). Санкт — Петербургта уртача бәя 1,7 сум тәшкил итә, ә Мәскәүдә-1,53 сум.

Граммга уртача бәядән күбрәк Амур өлкәсе, ЯНАО, Камчатка, Сахалин һәм Калининград өлкәләре, Приморье крае һәм Якутия халкы түли.
Ә гомумроссия бәясеннән азрак шоколад Волгоград, Свердловск, Чиләбе өлкәләрендә, Самара өлкәсендә, Пермь краенда, Башкортстанда, Оренбург өлкәсендә һәм Калмыкиядә тора.
Аналитиклар шулай ук шоколадны плиткаларда кем еш сатып алуын ачыклаганнар. Беренче урында-19 меңнән 45 мең сумга кадәр, уртача керемле, баласыз, урта яшьтәге хатын-кызлар.