Россиядә хезмәткәрләргә начар һава торышы аркасында соңга калган өчен җәза бирүне тыялар

Дәүләт Думасы Россия Хезмәт кодексына төзәтмәләр проектын әзерли башлаган. Аларның берсе – начар һава торышы (буран. давыл һәм башкалар) аркасында соңга калган өчен хезмәткәрләргә җәза бирүне тыярга тәкъдим итү, дип яза «Российская газета».

Инициатива авторлары хәбәр иткәнчә, хәзерге вакытта начар һава торышы әхлакый яктан соңга калу өчен җитди сәбәп булып тора. Әмма бу законнарда берничек тә чагылыш тапмаган, шуңа күрә эш бирүчегә дисциплинар түләтүләр салырга берни дә комачауламый.

Россия Хөкүмәтенә эшченең начар һава торышы вакытында җәзадан котыла алырлык критерийларны һәм очракларны билгеләргә кирәк булачак.