#Кыскача яңалыклар 17 май 2023, 12:44

Россия хәрбиләре нацизмның тарафдарлары белән көрәшә, дип белдерде Путин

17 май 2023, 12:44

Путин: Россия сугышчылары махсус операция барышында нацизмның турыдан-туры тарафдарлары белән сугыша.

Скопировать ссылку

Путин: Россия сугышчылары махсус операция барышында нацизмның турыдан-туры тарафдарлары белән сугыша.

Россия Президенты Владимир Путин Коткару һәм азат итү көнен билгеләп үтүче Россия яһүдләрен котлады һәм бүген Россия Федерациясе хәрбиләре һәм командирлары махсус хәрби операция барышында Нацизмның турыдан-туры тарафдарлары белән көрәшә дип белдерде.
Тиешле телеграмма Кремль сайтында урнаштырылган.

Коткару һәм азат итү көне 1945 елның 9 маена туры килә. ул вакытта яһүдләр календаре буенча бу 26 ияр була. Дата ел саен үзгәреп тора, быел "яһүдләрнең Җиңү көне" 17 майга туры килә. Бәйрәмгә нибары 10 яшь, ләкин ул инде бөтен дөньядагы яһүд җәмгыятьләрендә билгеләп үтелә.

"Бүген Россиядә һәм башка илләрдә 26 ияр – коткару һәм азат итү көне тантаналы рәвештә билгеләп үтелә... Без дә, киләчәк буын ыәкилләре дә Икенче бөтендөнья сугышы турындагы тарихи хакыйкатьне сакларга, милләтчелеккә, антисемитизмга, ксенофобиягә юл куюның нинди җимергеч нәтиҗәләргә китергәнен аңларга тиеш. Нәкъ менә Нацизмның турыдан - туры тарафдарлары белән бүген безнең сугышчылар һәм командирлар махсус хәрби операция барышында көрәшәләр", - диелә РФ Президенты телеграммасында.

Путин бу көнне киң бәйрәм итү Россия яһүдләренең традицияләрен һәм яшьләрне патриотик тәрбияләүне ныгытачак дигән ышаныч белдерде.
"Һәм, әлбәттә, иң игелекле һәм эчкерсез рәхмәт сүзләре – кадерле ветераннарыбызга, фронтовикларга һәм тыл хезмәтчәннәренә. Сезгә уңышлар, сәламәтлек һәм иминлек телим", - дип өсти телеграммада.

Кызыклы яңалыкларны күзәтеп бару өчен безнең МАХ каналына кушылыгыз.

#Владимир Путин