Россиядә быел грипп эпидемиясе булырмы? Белгечләр җавабы

Коронавируска каршы көрәш өчен кертелгән профилактика чаралары үтәүне дәвам иткән очракта, грипп эпидемиясе быел Россиядә булмаска да мөмкин. Бу хакта ТАССка аеруча куркыныч инфекцияләр буенча белгеч, табиб-иммунолог, медицина фәннәре докторы Владислав Жемчугов сөйләгән.

"Минем уйлавымча, грипп коронавирустан "куркыр" һәм килмәс. Бер генә грипп эпидемиясе вакытында да мондый чаралар күрелмәгән. Маска һәм изоляция аркасында грипп, гомумән, үсмәде. Бер ел дәвамында булмады ул", - дигән эксперт.

Шул ук вакытта грипп битлек режимы гамәлдән чыгарылган очракта кире кайтырга мөмкин, дип фаразлаган иммунолог, әмма бу очракта вакцинация ярдәм итәчәк. "Быел, битлекләрне гамәлдән чыгарсак, грипп килергә мөмкин", - дип әйткән Жемчугов.

Путин коронавирустан вакцинаны мәҗбүри ясату яклы түгел, ләкин аңлату эшләрен алып бару яклы.