Рөстәм Миңнеханов Татарстанда мигрантлар белән эшне җайга салырга кушты

Татарстан рәисе Рөстәм Миңнеханов республикада эшләүче чит ил гражданнары белән бәйле хәлгә борчылуын белдерде. Ул мигрантлар белән эшне тәртипкә китерергә, торак мәсьәләләрен хәл итү һәм мигрантларны укытуны оештыру белән беррәттән комплекста алып барырга кушты.

"Аларның хокук тәртибен, безнең территориядә булу кагыйдәләрен һәм хезмәт килешүләре шартларын үтәвен контрольдә тотарга кирәк. Закон чыгару инициативаларын, шул исәптән чит ил гражданнарының республика территориясендә булу өлкәсендә административ җаваплылыкны көчәйтү һәм аларны эшкә урнаштыра торган рекрутинг агентлыкларын регламентлау, шулай ук хезмәт килешүен бозган өчен патентны гамәлдән чыгару турында да әзерләүне сорыйм», - дип йомгаклады Рөстәм Миңнеханов.
Элегрәк хәбәр ителгәнчә, 2024 елда Татарстаннан 2 меңнән артык законсыз мигрант чыгарылган.