Рамзан Кадыйров "өлкән абыена" рәхмәтле

Татарстан Президенты Рөстәм Миңнеханов Чечен республикасы башлыгы Рамзан Кадыйровны Казан шәһәр көнендә узган ат чабышында Татарстан Президенты Кубогын алуы белән Instagramда котлаган.

"Җиңү белән котлыйм, Туган! Си Коуд - Татарстан Республикасы көне хөрмәтенә үзган ярышларда - беренче!"- дип язган ул анда.

Кичә Казан ипподромында Татарстан Республикасы көне уңаеннан ярышлар узды. Анда Татарстан Президенты Кубогына чиста нәселле атлар ярышы булды. Әлеге чабышта 2 400 метрлы араны беренче булып килүчегә 3 млн сум приз каралган иде. Беренчелекне Чечня республикасы башлыгы Рамзан Кадыйровның Си Коуд чабышкысы алды.

Татарстан Миннехановның котлавына җавабында Рамзан Кадыйров "кадерле өлкән абыена", ягъни Татарстан лидерына рәхмәтле булуын белдергән.