Менделеевск районында Renault Symbol һәм Mazda 5 автомобильләре катнашында юл-транспорт һәлакәте булган.
Менделеевск районында Renault Symbol һәм Mazda 5 автомобильләре катнашында юл-транспорт һәлакәте булган.
Фаҗига аркасында 70 яшьлек хатын-кыз һәлак булган.
Авария 11 мартта якынча 7:34 сәгатьтә М7 трассасында булган, дип хәбәр иттеләр Татарстан прокуратурасының матбугат хезмәтендә.
Хокук саклау органнарының беренчел мәгълүматлары буенча, 74 яшьлек ир-ат идарә иткән Renault Symbol каршы як полосага чыккан һәм анда Mazda 5 автомобиле белән бәрелешкән.
Бәрелешү аркасында Renault автомобиле пассажиры алган җәрәхәтләрдән урында ук һәлак булган. Машинаны йөртүче исә авыр хәлдә медицина учреждениесенә китерелгән.
Әлеге факт буенча прокуратура тарафыннан тикшерү оештырылган.
Кызыклы яңалыкларны күзәтеп бару өчен безнең МАХ каналына кушылыгыз.
#Язмалар
#Җәмгыять
Комментарийлар