#Кыскача яңалыклар 06 сентябрь 2018, 13:38

Рөстәм Миңнеханов «Алабуга»да яңа завод ачылышында катнаша

06 сентябрь 2018, 13:38

Татарстан Президенты Рөстәм Миңнеханов бүген Алабуга районына эш сәфәренә бара. Ул «Алабуга» махсус икътисади зонасында «Данафлекс» заводын ачу тантанасында катнашачак.

Скопировать ссылку

Татарстан Хөкүмәте рәсми сайтында хәбәр ителгәнчә, предприятиене көннең икенче яртысында тантаналы рәвештә эшләтеп җибәрү көтелә.

«Данафлекс»ның беренче чираты бакалея, снек, кондитер һәм сөт продуктлары, көнкүреш химиясе, шәхси гигена товарлары, балалар ашамлыклары һәм башка товарлар өчен йомшак төргәкләр – барлыгы 22 мең тоннага якын продукция җитештерәчәк.

Яңа җитештерү объектын төзүгә инвестор 3 млрд сумнан артык акча керткән. «Данафлекс-Алабуга» ААҖдә 280 яңа эш урыны барлыкка килгән.

Кызыклы яңалыкларны күзәтеп бару өчен безнең МАХ каналына кушылыгыз.

#Рөстәм Миңнеханов #Татарстан Президенты Рөстәм Миңнеханов #«Алабуга» махсус икътисади зонасы