“Рубин” яңа сезонда яңача киенә

Яңа сезонда "Рубин" футбол командасы эмблемасын һәм формасын үзгәртәчәк, дип хәбәр итә Газета.ру сайты. Моннан тыш, Казан командасының яңа техник иганәчесе дә барлыкка киләчәк. Эскизлар буенча фикер йөрткәндә, яңа сезонда иганәче бик күп немец бундеслигасы командаларын киендерүче Jako компаниясе булачак. Аңа кадәр "Рубин" Puma экипировкасында чыгыш ясый иде.

Эмблема дизайнының төп идеясы өлешчә "үз" логотибына кайту булып тора. Коллектив кайчандыр аның белән Чемпионнар лигасында "Барселона"ны җиңгән иде. Яңа эмблеманы һәм форманы тәкъдим итү исә иртәгә "Казан" Гаилә үзәге янында булачак. Шулай ук футбол клубы җанатарларын баш тренер Хави Грасия белән таныштырачаклар.

^{_{Фотолар: gazeta.ru}}