Сабантуйда Казан дизайнерларының коллекцияләре күрсәтеләчәк

Популяр Казан дизайнерлары үз коллекцияләрен 23 нче июньдә Мирный бистәсендә Сабантуйда тәкъдим итәчәк. Күрсәтүгә биш кием маркасыннан 40 образ күрсәтәчәкләр.

«Дизайнерларның максаты – заманча, кияргә уңайлы кием булдыру, шул ук вакытта киемдә татар костюмының мәдәни үзенчәлеге сакланачак», — дип билгеләп үттеләр Казанның Вахитов һәм Идел буе районнары администрациясендә.

Татар коллекцияләрен күрсәтү Гаилә елына һәм милли гореф-гадәтләргә багышланган төп концерт программасы белән берләштерелә. Башлана 11:00 сәгатьтә.

Мирный бистәсе үзәк мәйданында ТР Дәүләт камера хоры, ТР халык артисты Эльмира Кәлимуллина, җырчылар Марат Яруллин, Лэйна, Әсәф Вәлиев, Рөстәм Закиров һәм башкаларның чыгышлары көтелә.

Каенлык аланында республиканың Арча, Алексеевск, Буа, Биектау, Яшел Үзән һәм башка районнарының вәкилләре урнашачак. 11 урында бәйрәм кунаклары милли ярышларда катнашыр дип көтелә, татар аш-суы дәресләренә кушыла яки халык һөнәренә өйрәнә алачак.