Сәйдә Мөхәммәтҗанова концертында нәрсәләр булачак?

7 декабрьдә Пирамида концертлар  залында узачак "Ярату" дип аталган концерт, Сәйдәнең сан буенча беренче булмаса да, күләме буенча беренче шундый зур концерт. Концерт юкка гына "Ярату" дип аталмый, ул дүрт өлешкә бүленәчәк - туган җирне һәм туган телне ярату, нәселеңне ярату, хатын-кыз буларак ярату һәм иҗатны, музыканы ярату.  Өченче бүлектә Сәйдә үз шәхси тормышына кагылышлы сорауларга да матур, нәзәкатьле формада җавап бирергә вәгъдә итте.

Сәйдә шулай ук үзеннең күптән түгел чыккан "Эсперанто" альбомы турында да сөйләде. Әлеге альбомнан бер өзеген ул экспромт рәвештә пресс-конференциядә дә башкарды. Сүз уңаеннан, концертка әзерләү белән параллель рәвештә, Сәйдә Казан бию ансамбльнең Кол Гали поэманың мотивлары буенча "Йосыф-Зөләйха" спектакльнең премьерасына Зөләйха роленә да әзерләнә.

Мәрьям Ибраһимова