#Кыскача яңалыклар 13 сентябрь 2015, 07:17

Сайлаулар гадел бара

13 сентябрь 2015, 07:17

Татарстанда сайлаулар гадел, дөрес бара дип ышандырып әйтергә була. Һәр сайлау участогында парламент партияләреннән һәм Татарстан Президентына кандидатлардан наблюдатель - күзәтүчеләр эшли.

Скопировать ссылку

"Бердәм Россия" күзәтүчеләре республиканың 2802 участогында кизү тора, "Справедливая Россия" һәм КПРФ партиясеннән 1200 участокка, ЛДПРдан 1012 участокка күзәтүчеләр җибәрелгән. Татарстан Президентына кандидат Рөстәм Миңнеханов шулай ук үз күзәтүчеләрен сайлау участокларына җибәргән.

Республикада сайлау барышын "Гадел сайлаулар өчен" күзәтүчеләр корпусы вәкилләре һәм Россиянең Иҗтимагый палата әгъзалары - милләт һәм динара мөнәсәбәтләр буенча комиссия рәисенең беренче урынбасары Максим Григорьев һәм Сәяси тикшеренүләр институты директоры Сергей Марков күзәтә.

Кызыклы яңалыкларны күзәтеп бару өчен безнең МАХ каналына кушылыгыз.