Сәбәпсез йогышлы авырулар хастаханәсенә килмәгез

Татарстан сәламәтлек саклау министрлыгы балаларны бер сәбәпсез йогышлы авырулар хастаханәсенә алып килмәскә киңәш итә. Татарстан сәламәтлек саклау министры урынбасары Владимир Жаворонков фикеренчә, биредә теләсә нинди чир йоктыру мөмкинлеге арта. Хәзерге вакытта коронавирус белән авыр дәрәҗәдә авыручылар юк дәрәҗәсендә, әмма бу тынычланырга кирәк дигән сүз түгел. 

— Шул ук вакытта бер сәбәпсез, үз белдегегез белән баланы йогышлы авырулар хастаханәсенә алып килмәвегезне үтенәбез. Башка төр чир йоктыру мөмкинлеге арта. Педиатр чакырыгыз, ул баланы тикшерер,- ди Владимир Жаворонков. 

Татарстанга балалар өчен 8720 доза күләмендә «Спутник М» вакцинасы кайтарылган. Аның 75 проценты инде кулланылган, димәк, 6540 яшүсмер ковидка каршы прививка кадаткан. Татарстанда барлыгы 12 яшьтән 18 яшькә кадәрге 193 мең бала исәпләнә.

Тагын укырга: Татарстанда тәүлек эчендә меңгә якын кеше коронавирус йоктырган.