#Кыскача яңалыклар 13 май 2016, 10:35

Себердә су басудан зыян күргән татар авылларына ярдәм итү өчен хәйрия концерты оештырыла

13 май 2016, 10:35

Төмән өлкәсенең Вагай районы Тугыз һәм Казанлы авылларында яшәгән татарлар бу көннәрдә коточкыч афәт кичерә - хуҗалыклар су астында калып бара. Авыл халкы әлегә вакытлыча яшәп тору пунктларына күчерелгән. Барлык мал-мөлкәтләре, йортлары, каралты-куралары су астында калу сәбәпле, аларга тиз арада ярдәм кирәк.

Скопировать ссылку

19 май көнне Татарстан сынлы-сәнгать музееның Хәзерге заман сәнгате галереясендә Татарстанның альтернатив музыка төркемнәре Себердә су басудан зыян күргән татар авылларына ярдәм итү өчен хәйрия концерты үткәрәчәк. Акустик форматта алар үзләренең иң яхшы иҗатларын тәкъдим итәчәк. Шулай ук себер татарлары үзләренең туган яклары турында кыскалекция сөйләячәк.

Концертта Рәдиф Кашапов, Эльнар Байназаров, Juna төркеме, Oscar төркеме & C7C5 чыгыш ясаячак, шулай ук махсус кунак - Мубай.

Сәгать 19:00дә башлана. Барлык җыелган акчалар гуманитар ярдәм җыю фондына китәчәк.

Белешмәләр өчен телефоннар: 253-34-83, +7 903 305 34 83.
Концертка билетлар сатыла:
Татарстан сынлы-сәнгать музееның хәзерге заман сәнгате галереясе кассасында: Карл Маркс урамы, 57.
CONCERT.RU сайтында һәм кассада.
Бөтендөнья татар яшьләре форумында: Карл Маркс урамы 38/5, 304.
Vegan Day эко-кибетендә: Мәрҗани урамы, 18.

Кызыклы яңалыкларны күзәтеп бару өчен безнең МАХ каналына кушылыгыз.