Шәһәрне кардан чистарту буенча иң яхшы һәм иң начар оешмаларны сайлыйлар

Эшлекле дүшәмбе"дә Казан Мэры Илсур Метшин шундый инициатива белән чыкты.
- Күп кенә кешеләр үзләренең ишегалларын җыештыручыларны исем-фамилияләп беләләр, аларга эшләре өчен рәхмәт белдерәләр. Мондый хезмәткәрләргә төрле конкурслар аркылы стимул биреп була, " - диде И.Метшин.

Мэр Башкарма комитет җитәкчесенә, район башлыкларына бер атна эчендә конкурсны уздыру буенча тәкъдимнәрен җиткерергә кушуы хакында хәбәр итә kzn.ru.

Аның нәтиҗәләрен ай саен һәм кыш азагында чыгарачаклар.