«Эрмитаж-Казан» үзәге романтик онлайн-экскурсия оештыра

Казан Кремле музей-тыюлыгы микроблогында (@kazankremlin) Дәүләт Эрмитажы җыелмасыннан "Барлык гасырлар нәтиҗәләре", "Россиядә тарихчылык чоры" күргәзмәсе буенча романтик онлайн-экскурсия үтәчәк. Казанда беренче тапкыр смартфон экраныннан аерылмыйча музейга сәяхәт ясап була. "Эрмитаж-Казан" үзәгенең фәнни хезмәткәрләре, күргәзмәнең фото һәм видеоларын кулланып, экспонатлар һәм алар белән бәйле булган романтик вакыйгалар турында сөйләячәк. Теләсә кайсы кулланучы экскурсияне күзәтә, сораулар бирә һәм җаваплар ала ала. Онлайн-экскурсия 12.00 сәгатьтә башлана, катнашучыларга #твиттерэкскурсия хэштегы кулланырга тәкъдим ителә.