Сөт сату чыгымнарын компенсацияләү өчен 500 млн сумнан артык акча бирелә

Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәтендә хәбәр иттеләр.

«Татарстан Рәисе Рөстәм Миңнеханов йөкләмәсе буенча акча бирелде. Субсидиянең гомуми күләме 523,2 млн сум тәшкил итә. Ул бер килограмм өчен 2 сум исәбеннән түләнә», - дип сөйләделәр министрлыкта.

Хуҗалыклар акчаны өч-дүрт атна дәвамында алачак, дип ачыклык керттеләр матбугат хезмәтендә.

Чыганак - "Татар-информ"