Ташкентта көчле шартлау булган, яраланучылар бар

Күпкатлы йортларның пыялалары ватылган. Зыян күрүчеләр бар (саннар хәбәр ителми), урында ашыгыч ярдәм машиналары күп. Янгынны сүндерү дәвам итә.

28 сентябрьдә 2: 43 сәгатьтә Ташкентның Сергелий районындагы Курувчилар (төзүчеләр) массивында башкала аэропортыннан ерак түгел «Интер Логистикс» компаниясе складында көчле шартлау була, дип хәбәр итә Үзбәкстанның гадәттән тыш хәлләр министрлыгы һәм башка ведомстволар.

Шартлаудан соң көчле янгын чыккан, ул әлегә кадәр (яңалык басылып чыккан вакытта) тулысынча сүндерелмәгән. 

Кайбер массакүләм мәгьлүмат чаралары язуынча, күпкатлы йортларда дистәләгән фатирларның тәрәзәләре ватылган, ишегалларында ашыгыч ярдәм машиналары күп. Күп кенә кешеләргә машиналарда йокларга туры килгән. Автотранспортның бер өлеше зыян күргән.

Урында хокук саклау органнары һәм махсус хезмәтләр хезмәткәрләре күп.

"Склад эшмәкәрлек субъектына карый, урында шулай ук таможня комитеты вәкилләре дә бар», — дип хәбәр итә www.gazeta.uz/ru басмасы.