Татарстан мөфтие һәм Казан епархиясе протоиерее махсус хәрби операция зонасында ут астына эләккән

Шул рәвешле, агымдагы елда гына МХО урыннарында Камил хәзрәт өченче тапкыр булды. Бу юлы Татарстан дин әһелләре делегациясе составына Ютазы районы имам-мөхтәсибе, казый Марат хәзрәт Мәрданшин һәм Казан епархиясе хезмәткәре протоиререй Андрей Зиньков керде.

Дин әһелләре МХО зонасына генерал-майор Кирилл Кулаков чакыруы буенча барды һәм Луганск кына түгел, ә Донецк һәм кайнар нокталарга - гаскәрләр һәм хәрби техника күпләп тупланган урыннарда хезмәт итүче Россиянең хәрби подразделениеларына кадәр барып җитте. Фронт кырында юл буена Украина снарядлары һәм "беспилотниклары" һөҗүмнәренә, шулай ук Татарстан делегациясенә атыш операциясе үтәлүгә карамастан, Камил хәзрәт Марат хәзрәт һәм отец Андрей белән бергә өч хәрби частька барып ирешә. Анда алар Татарстан һәм Россиянең башка төбәкләреннән килгән солдатлар белән очрашулар үткәрә, алар белән аралаша, сорауларына җавап бирә, вәгазьләр укый, җылы һәм кәүтләү сүзләре белән рухи яктан ярдәм итә, аларның яшәү һәм хезмәт шартлары белән таныша, блиндажларын һәм гыйбадәт кылу урыннарын күрә. 

Сәфәр барышында хәзрәтләр шулай ук Донецк һәм Луганскта эшләүче мәчетләргә керә, анда имамнар белән очраша. МХО зонасына алар барлыгы өч тәүлек дәвамында була.

Диния Нәзарәтенең Мөфти Камил хәзрәт җитәкчелегендәге делегациясенең МХО зонасына алдагы сәфәре 2024 елның май аенда була. Аның кысаларында хәзрәтләр Луганск, Лисичанск һәм Дебальцевода була, Татарстан мөселманнары исеменнән 3 госпитальдә, шефлыкка алынган хәрби частьтә һәм "Алга" батальонында хезмәт итүче солдатларның кулына гуманитар йөк тапшыра. 

Татарстаннан киткән солдатларга ярдәм һәм МХО зонасына эшлекле сәфәрләрне ТР мөселманнарының Диния Нәзарәте 2022 елдан бирле башкара.