Татарстан трассасында ике йөк автомобиле бәрелешкән, һәлак булучы бар

Авария Пчеловод авылы янында була, дип яза «Хезмәт даны».
Кукмара районындагы трассада ике йөк автомобиле бәрелешкән, берсенең йөртүчесе үлгән.

Бу хакта Кукмара районы ЮХИДИ идарәсе хәбәр итә.
Авария 15 сентябрь көнне Кукмара районының Пчеловод авылы янында «Балтач-Шәмәрдән» автомобиль юлының 20 чакрымында, 10.25 сәгатьтә була.
«Hyundai VT» йөк машинасы йөртүчесе төп юлдан барган «КамАЗ» машинасына юл бирми һәм аңа килеп бәрелә.