Татарстан Язучылар берлеге үз сафларына бер язучы һәм бер шагыйрьне кабул итте

Мәгълүмат өчен: Марат Морев - Бөгелмә шәһәрендә яшәп иҗат итүче яшь прозаик. Гөлүсә Батталова - Әтнә районында яшәп иҗат итүче шагыйрә.

Утырышта шулай ук ике идарә арасында башкарылган эшкә хисап ясалган, әдәби ел йомгакларында чыгыш ясаучы язучылар билгеләнгән, октябрь аенда булачак юбилей чараларына әзерлек мәсьәләләре тикшерелгән.

Татарстан Язучылар берлегендә эшләп килүче әдәби остаханәләрнең икесенә яңа җитәкчеләр билгеләнүе дә билгеле булды. Хәзер шигърият остаханәсен Фәйрүзә Мөслимова җитәкли, ә әдәби тәнкыйтъ остаханәсен Әлфәт Закирҗанов алып барачак.