Татарстанда автокран күтәрткече эшчене сытып үтергән

Татарстан прокурорының массакүләм мәгьлүмат чаралары белән хезмәттәшлек буенча өлкән ярдәмчесе Руслан Галиев сөйләвенчә, тимер торбаларны бушатканда ир-ат өстенә автокран күтәрткече килеп төшкән.

Алган җәрәхәтләрдән слесарь табиблар килгәнче үк җан биргән. Әлеге вакыйга урынына Әлмәт прокуроры урынбасары Илнур Габдурахманов чыккан.

- Күзәтчелек ведомствосы белгечләр белән берлектә предприятиедә хезмәтне саклау турындагы закон таләпләренең үтәлешен тикшерәчәк һәм моңа нигез булган очракта җавап чаралары күрәчәк, — дип хәбәр итә прокуратураның матбугат үзәге.