Татарстанда балаларга һәм яшүсмерләргә бензин сатуны тыю планлаштырыла

Татарстан буенча Эчке эшләр министрлыгының Дәүләт автоинспекциясе республикада ягулык салу станцияләрендә балаларга һәм яшүсмерләргә ягулык сатуны тыю инициативасы белән чыгарга планлаштыра. Бу хакта ведомствоның матбугат хезмәте хәбәр итте.

"Мототранспорт, питбайк, квадроцикл йөртүче балалар катнашында аварияләр арту сәбәпле, Татарстан Республикасы буенча Эчке эшләр министрлыгының Дәүләт автоинспекциясе республика территориясендә 16 яшькә җитмәгән затларга АЗСта мотор ягулыгын сатуны тыюны билгеләү инициативасы белән чыгачак», — дип сөйләделәр ведомствода.

Бу тәкъдим Дәүләт автоинспекциясе тарафыннан декабрьдә Татарстан Министрлар Кабинетының Юл хәрәкәте иминлеген тәэмин итү мәсьәләләре буенча Рөстәм Миңнеханов рәислегендә узачак утырышында әйтеләчәк.