Татарстанда беренче кар бу атнада ук төшәргә мөмкин

Ял көннәрендә Татарстанга салкыннар киләчәк, яңгыр яву ихтималы зур, дип хәбәр иткән «Метео» прогноз үзәге җитәкчесе Александр Шувалов. Бу хакта Казан мэриясе сайты хәбәр итә. 

— Шимбәгә кадәр яхшы, матур, үзгәрешсез һава торышы булачак, кояш та, җылылык та җитәрлек – +15..+17 градус. Шимбә көнне салкынайту, салкын фронт һәм температураның + 9..+12 градуска кадәр төшүе көтелә, болар барысы яңгырлар белән үреләчәк, — дигән спикер.

Аның сүзләренчә, Татарстан Республикасының төньягында һәм төньяк-көнчыгышында бу атна ахырында яки икенче атна башында кар төшәргә мөмкин.

— Кар турында әйткәндә, ул циклон белән төньяктарак булачак һәм Киров белән Пермь шәһәрләрен колачлаячак. Татарстанда кар яву ихтималы булса да, ул якшәмбе көнне яки җылы фронт якынлашканда дүшәмбе-сишәмбе көннәрендә булырга мөмкин, әмма бу республиканың ерак төньягына һәм төньяк-көнчыгышына гына кагыла, - дип өстәде спикер.