Татарстанда беренче эш атнасында - 32 градус салкыннар көтелә

Синоптиклар хәбәр итүенчә, 11 гыйнвар көнне республика территориясендә алмашынучан болытлы һава торышы булачак. Төнлә һәм иртән кар явуы көтелә, кайбер районнарда буран булуы ихтимал. 
Һава температурасы - 12...-17 градус, аязган вакытта - 22 градус булачак.

12 гыйнварда һава температурасы - 22...-27 градуска кадәр төшәчәк. Аязганда - 32 градус булачак. Көндез максималь температура -17...-22 градус була, дип кисәтә синоптиклар.

Дүшәмбе һәм сишәмбе Татарстан юлларында бозлавык, кар көртләре саклана, сак булыгыз!