Татарстанда юл кагыйдәләрен иң күп бозган 10 оешма ачыкланды

Республикадагы ун оешма хезмәткәрләре барлыгы 5 меңнән артык юл кагыйдәсен бозган.

Мәгълүматларны юл хәрәкәте иминлеген тәэмин итү буенча Татарстан Республикасы Хөкүмәте комиссиясе китерә.

Антирейтингта беренче урынны Казанның «ТКС-Идел буе» ИТЦсы алды. Әлеге оешма машина йөртүчеләре хисабында 663 хокук бозу очрагы теркәлгән.

Икенче урында — Казанның «РТХ лабораториясе». Аның хезмәткәрләре 571 тапкыр юл хәрәкәте кагыйдәләрен бозган.

Өченче урынны Чаллының «СтройСтиль» оешмасы алды — 531 хокук бозу очрагы.

Татарстанда юл кагыйдәләрен иң күп бозган 10 оешма:

1. «ТКС-Идел буе» ИТЦ — 663 очрак;

2. «РТХ лабораториясе» — 571;

3. «СтройСтиль» — 531;

4. «АВП-Групп» — 525;

5. «Нефтестройэнерго» — 507;

6. «Профснаб» — 498;

7. «РАЙЗ» — 482;

8. «Машина Детальләре» — 454;

9. «ПСО Казан» — 452;

10. «Рэлс» — 398.

Комиссия утырышында оешма җитәкчеләренә хезмәткәрләрнең юл хәрәкәте кагыйдәләрен үтәвен контрольдә тотуны көчәйтергә киңәш иттеләр. Шулай ук машина йөртүчеләр белән юл иминлеге буенча даими инструктажлар үткәрү кирәклеге ассызыкланды.