Татарстанда быел «Безнең ишегалды» президент программасы буенча 1000нән артык ишегалды төзекләндереләчәк

 Татарстанда "Безнең ишегалды" президент программасы кысаларында быел 1 048 ишегалдын төзекләндерәчәкләр, дип хәбәр итә оештыручылар. «Быел Казанның 226 ишегалды, Яр Чаллыдагы 131 ишегалды, Яшел Үзән районындагы 83 йорт, Түбән Кама районындагы 67 йорт, Әлмәт районындагы 52 йорт төзекләндереләчәк. Бүгенге көндә эшләр республиканың 33 районында бара", - дип аныклана хәбәрдә. Ишегалларында, тротуарларда һәм подъездларда асфальт салыначак, эскәмияләр һәм чүп савытлары урнаштырачаклар, яктырткыч баганаларны ремонтлаячаклар, шулай ук балалар өчен уен комплекслары урнаштырачаклар һәм каты көнкүреш калдыклары өчен мәйданчыклар урнаштырачаклар.

Программа биш елга исәпләнгән. 2020 елдан 2024 елга кадәр барлыгы 6 775 ишегалдын төзекләндерергә планлаштыралар. Җирле халык программа http://dvor.tatar сайтында эш барышын күзәтеп тора ала. Исегезгә төшерәбез, “Безнең ишегалды” программасының инициаторы ТР Президенты Рөстәм Миңнеханов.