#Кыскача яңалыклар 02 февраль 2015, 10:15

Татарстанда давыл аркасында 25 меңнән артык кеше утсыз калган

02 февраль 2015, 10:15

Һава торышы кискен үзгәрү сәбәпле, Татарстанда «Буран» планы кертелде. Әлеге мәгълүматны Татарстан Республикасы Гражданнар оборонасы һәм гадәттән тыш хәлләр министрлыгы җиткерде. «Сетевая компания» ачык акционерлык җәмгыяте хәбәр итүенчә, Татарстанда 5 муниципаль берәмлектә - Казан шәһәре, Яшел Үзән, Питрәч, Тәтеш һәм Кама Тамагы районнарында барлыгы 25 меңнән артык кеше утсыз калган....

Скопировать ссылку

«Сетевая компания» ачык акционерлык җәмгыяте хәбәр итүенчә, Татарстанда 5 муниципаль берәмлектә - Казан шәһәре, Яшел Үзән, Питрәч, Тәтеш һәм Кама Тамагы районнарында барлыгы 25 меңнән артык кеше утсыз калган. Әлеге вакытта урыннарда махсус төзекләндерү бригадасы хезмәт куя.

Искәртеп китәбез, 2 -3 февраль көннәрендә буран күзәтелә. Кар, бозлы яңгыр явуы һәм юлларда бозлавык булу ихтималы зур. Көньяктан секундына 16-21 метр тизлектә җил исәчәк. 2 февральдә иртән-көндез һәм 3 февральдә төнлә урыны белән җилнең тизлеге секундына 26 метрга кадәр җитә. Күз күреме - 500 метр.

Кызыклы яңалыкларны күзәтеп бару өчен безнең МАХ каналына кушылыгыз.