Татарстанда давыл вакытында 26 лагерь зыян күргән

Лагерьләрдә электр чыбыклары өзелгән, агачлар ауган. Яшел Үзән һәм Питрәч районнарында палаткалы ике лагерьгә зыян килгән. Утсыз калган лагерьләрдә 21:30 сәгатьтә ут бирелгән. Министр лагерь җитәкчеләрен агачларны тикшерү һәм куркыныч тудырган урыннарны бетерү өчен җирле урманчылыкларга мөрәҗәгать итәргә өндәде. Ринат Садыйков лагерьләрдә Гадәттән тыш хәлләр министрлыгы белән берлектә персонал өчен кабат инструктажлар уздырырга һәм балаларга гадәттән тыш һава торышы шартларында үзләрен тоту кагыйдәләре буенча уен формасында инструктажлар уздырырга чакырды.