Татарстанда күп балалы гаиләләргә янгын турында хәбәр итүче җайланмалар урнаштыруның яңа этабы башланды

Татарстан Республикасында янгын хәбәрчеләре эшли башлады. Күп балалы гаиләләрдә иминлек приборлары барлыкка киләчәк. Бу хакта Татар-информ мәгълүмат агентлыгы яза. «Рөстәм Миңнеханов йөкләмәсе буенча, быел яз республика бюджеты хисабына 84 меңнән артык янгын турында хәбәр итү җайланмасы түләүсез урнаштырылачак», - дип хәбәр иттеләр Россия Гадәттән тыш хәлләр министрлыгының ТР буенча Баш идарәсе матбугат хезмәтендә. 
Һәр гаиләдә күзәтчелек эшчәнлеге бүлеге инспекторлары янгын сүндерү-профилактик эш алып барачак, янгын сүндерү датчиклары турында тәфсилләп сөйләячәк, аларның эш принцибын аңлатачак.