Татарстанда мигрантларга таксида һәм сак хезмәтендә эшләүне тыю планлаштырыла

Татарстан Республикасы Рәисенең тиешле указы проекты коррупциягә каршы экспертиза уза. Чаралар икътисадый эшчәнлекнең 10 төренә кагыла:

— хәвефле йөкләр ташу;

— җиңел таксилар һәм машина йөртүче белән арендага алынган автомобильләр;

— финанс хезмәтләре күрсәтү (иминиятләштерү һәм пенсия белән тәэмин итүдән тыш);

–  иминиятләштерү, яңадан иминиятләштерү, дәүләтнеке булмаган пенсия фондлары эшчәнлеге (мәҗбүри социаль тәэмин итүдән тыш);

– финанс хезмәтләре күрсәтү һәм иминиятләштерү өлкәсендәге ярдәмче эшчәнлек;

— хокук һәм бухгалтерлык исәбе өлкәсендәге эшчәнлек;

— ветеринария;

— сак хезмәтләре, шул исәптән хосусый хезмәтләр;

— комарлы уеннар оештыру һәм үткәрү, лотереяләр оештыру һәм үткәрү;

–  компьютерларны, шәхси куллану һәм хуҗалык-көнкүреш әйберләрен ремонтлау.  

Компанияләр һәм оешмалар үз штатларын Указга туры китерергә (әгәр документ кабул ителсә) ул үз көченә кергәннән соң өч ай эчендә тиешле карарлар кабул ителергә тиеш.