#Кыскача яңалыклар 06 июнь 2022, 09:45

Татарстанда Украинада батырларча һәлак булган хәрбине җирләячәкләр

06 июнь 2022, 09:45

Татарстан егете, сержант Андрей Соколовский Украинада махсус операция барышында һәлак булган. Тәтеш шәһәрендә яшәгән хәрби спецназ төркеменең өлкән разведчигы булып хезмәт иткән, аңа 28 яшь булган.

Скопировать ссылку

Андрей Соколовский-Казахстанда туган. 1997 елда аның гаиләсе Тәтешкә күченеп килә. Ул вакытта Соколовскийга 4 яшь булган. Бу шәһәрдә ул мәктәпне һәм авыл хуҗалыгы техникумын тәмамлаган.

Хәрбинең тол хатыны, алты һәм бер яшьлек ике улы ятим кала. Җирләү 6 июньдә Тәтештә булачак. Матәм тантанасы 10: 00 сәгатьтә башлана, ул Хәрби Дан мемориалы янында узачак.

Хәрби хезмәткәрнең һәлак булу шартлары, үлем датасы һәм төгәл урыны әлегә билгеле түгел, дип яза «Тетюшские зори».