Татарстанлыларның 11 проценттан кимрәге 100 меңнән артык хезмәт хакы ала

РИА «Новости» тикшеренүе буенча, татарстанлыларның 10,7% ы гына аена 100 мең сумнан югарырак хезмәт хакы ала. Шул ук вакытта 19 проценттан артыгы 30 мең сумнан азрак акча эшли.

Аналитиклар республикада хезмәт хаклары диапазонын аена 34-72 мең сум дип бәяләде. Шунысын да билгеләп үтәргә кирәк, Татарстан рейтингта үз позицияләрен яхшыртты - 2023 елда Татарстанда югары түләүле хезмәткәрләр өлеше 8,8 процент һәм хезмәт хаклары диапазоны 28-60 мең булган төбәкләр арасында 31 нче урында иде.

Росстат статистикасы буенча, 2023 елның сентябреннән 2024 елның августына кадәр номиналь уртача хезмәт хакы аена 72 мең сум тәшкил иткән-үсеш 18 проценттан артып киткән. Тикшеренү авторлары бәяләвенчә, Россия буенча уртача 17 процент хезмәткәрләр аена 100 мең сумнан артык акча эшли.

Югары түләүле хезмәткәрләр өлеше буенча беренче урынны Чукотка автоном округы алып тора, анда 100 мең сумнан артык хезмәт хакын 66 процент кеше ала. Икенче урында-Ямал-Ненец автономияле округы (58%), өчлекне Магадан өлкәсе (56%) йомгаклый. Шулай ук топ-10да Ханты-Манси автономияле округы (40%), Якутия (39,5%), Камчатка крае (39%), Сахалин өлкәсе (39%) һәм Мурманск өлкәсе (31,6%).Татарстан хезмәт хакы 100 меңнән артып киткән хезмәткәрләр өлеше буенча лидердан 6 тапкырдан артыкка калыша.

Исегезгә төшерәбез, Татарстанстат мәгълүматларына караганда, Татарстанда быел гыйнвар — август айларында уртача хезмәт хакы 20 проценттан артыкка арткан һәм 70 764 сум тәшкил иткән. Реаль хезмәт хакы үсешен 11,2 процент дип бәяләгәннәр. Октябрь аенда Татарстан халык керемнәре буенча Россия төбәкләре рейтингында 9 нчы урыннан 10 нчы урынга төшкән.