Татарстанлыларның реаль хезмәт хаклары 12,4 процентка арткан

2023 елның гыйнвар-июль айларында Татарстан Республикасы предприятиеләре һәм оешмалары хезмәткәрләренең, шул исәптән кече эшмәкәрлек субъектларының реаль хезмәт хакы узган елның шул ук чоры белән чагыштырганда 12,4 процентка арткан. Бу Татарстанстат мәгълүматларыннан күренә.

Әйтик, быелның гыйнвар — июль айларында уртача айлык номиналь хезмәт хакы 58 525 сум тәшкил иткән, узган елның шул ук чоры белән чагыштырганда 17,2 процентка арткан.

Шулай ук июнь белән чагыштырганда, июль аенда республика халкының реаль хезмәт хакы 0,9 процентка арткан. Июль аенда номиналь хезмәт хакы июнь белән чагыштырганда якынча 0,3 процентка арткан.