#Кыскача яңалыклар 15 июля 2024, 13:39

Татарстанның 5 укучысы БДИ нәтиҗәләрен 100 баллга кадәр яхшырткан

15 июля 2024, 13:39

Быел чыгарылыш сыйныф укучыларына бердәм дәүләт имтиханының бер предметын яңадан тапшыру мөмкинлеге бирелде.

Скопировать ссылку

Татарстанда 5 укучы үз нәтиҗәләрен 100 баллга кадәр яхшырта алган.
Бүген 2024 елның 4 июлендә яңадан тапшырылган информатика, җәмгыять белеме, рус теле, физика, химия һәм 2024 елның 5 июлендә бирелгән биология, тарих, әдәбият, профильле математика һәм база математикасы нәтиҗәләре расланган.
Информатика буенча БДИда үз нәтиҗәләрен 100 баллга кадәр өч чыгарылыш сыйныф укучысы арттырган:
•   Хаматдинов Самир, Яр Чаллы шәһәренең 76нчы гимназиясе;
•   Хаҗиев Давид, Казан шәһәренең Яңа Савин районының 177нче лицее;
•   Гафаров Тимур, Түбән Кама шәһәренең 24нче лицей-интернаты.

Казан шәһәренең Идел буе районындагы 6нчы гимназия укучысы Алтынов Роман профильле математиканы яңадан тапшырып максималь нәтиҗәгә ирешкән.
Әхмәтшина Рената, Казанның Яңа Савин районының 9 нчы номерлы мәктәбе укучысы рус әдәбиятыннан 100 балл алган.