Түбән Камада Россия өчен уникаль булган елга фонтанын җыя башладылар

Түбән Каманың яр буенда белгечләр гадәти булмаган фонтан урнаштыра башладылар, дип хәбәр итә шәһәр мэрының матбугат үзәге. Барлык эшләр 10 августка төгәлләнер дип планлаштырыла.
Фонтанның су агымы елгадан ук агып чыгачак, ә үзе йөзеп йөри торган констукциягә урнаштырылачак. Аның уникальлеге - төрле юнәлештәге су агымнары белән идарә итәргә сәләтле булган 3D-форсунка куллану, әлегә Россиядә мондый фонтан юк. Шәһәрнең 50 еллыгына төзелгән фонтанның үзәк агымы 50 метр биеклеккә кадәр күтәрелә, ә янәшәсендә тагын сигез агым булачак. Төнлә белән фонтан төрле төстәге утлар һәм музыка белән тулыландырылачак.

_{^{Фото: nk-online.ru}}