#Кыскача яңалыклар 29 гыйнвар 2016, 10:29

Тиздән сатуга целлюлитлы Барби чыгачак

29 гыйнвар 2016, 10:29

Американың Mattel Inc. компаниясе Барби курчакларын яңа өч "размерда" чыгара башлаган дип яза «Интерфакс». Балалар тиздән озын, кыска буйлы һәм таза курчаклар белән уйнаячак.

Скопировать ссылку

Күпләр компанияне курчакларны кеше ышанмаслык фигура белән ясап чыгаруда гаепли. Аларча, Барби чынлыкта да яшәсә, буе 175 сантиметр булган "кыз" 49 гына килограмм булырга тиеш. Биле исә - 45, аягы 21 сантиметр гына булып чыга. Димәк, мондый размерлар белән аңа җирдән шушышып кына йөрисе кала.

Time журналы билгеләп үткәнчә, базарга Барбиның яңа версиясен чыгару зур тәвәккәллек тә сорый. Ни өчен дигәндә, Америкача матурлык символы булган курчакларны ошатмаска да мөмкиннәр. Шуңа өстәп, соңгы елларда Барбины сатып алучыларның саны кискен кимегән. Әмма әлеге бренд дөньяның 150 илендә сатыла һәм елына 1 миллиард доллар керем бирә.

Кызыклы яңалыкларны күзәтеп бару өчен безнең МАХ каналына кушылыгыз.