"ТНВ-Татарстан" һәм "ТНВ-Планета" каналларында "Барысы да Җиңү өчен!" телемарафоны бара

Марафонның башлап йөрүчесе — ОНФның Татарстан Республикасындагы төбәк бүлеге. Теләге булган һәркем махсус хәрби операциядә катнашучыларга матди ярдәм күрсәтә ала. Моның өчен экранда күрсәтелгән QR кодны кулланырга кирәк була. Җыелган ярдәм Татарстаннан мобилизацияләнгән һәм үз теләге белән баручыларга тапшырылачак.

ТНВ эфирында Татарстан премьер-министры урынбасары Ләйлә Фазлыева, махсус хәрби операция зонасында булган депутат Эдуард Шәрәфиев, Татарстан мөфтие Камил хәзрәт Сәмигуллин, Әлмәт һәм Бөгелмә епископы Мефодий һәм башкалар кунак булачак. Шулай ук татар эстрадасы артистлары Филүс Каһиров, Фирдүс Тямаев, Ришат Төхвәтуллин һәм Алинә Шәрипҗанова чыгыш ясаячак.