#Кыскача яңалыклар 07 июль 2015, 12:23

Туры эфирда субсидияләр бирү турында сөйләшәчәкләр

07 июль 2015, 12:23

Бүген 7 июль көнне 19.00 сәгатьтә "Яңа гасыр" каналында туры эфирда бара торган "Ришвәтсез Татарстан" тапшыруы "Агросәнәгать комплексында субсидияләр" темасына багышланачак.

Скопировать ссылку

Авыл хуҗалыгы теләсә кайсы илнең икътисадында мөһим урын алып тора: әлеге өлкә хуҗалыкны ризык белән тәэмин итә, сәнагать өлкәсе чимал бирә. Икътисадчылар фикеренчә, аграр сектор үзенең асылында һәрчак чыгымлы. Бу Россиягә генә хас күренеш түгел. Җирдә эшләп керем алу ел саен авырлаша. Дәүләт бу проблеманы таный, шуңа да әлеге вәзгыятьне җайга салу өлкәсендә уңайлы шартлар тудырырга тырыша. Аграр хуҗалыкны алга таба үстерү максатында дәүләт төрле субсидияләр, ташламалар тәкъдим итә. Әлеге ярдәмнән ничек файдаланырга? Кайсын сайлау отышлырак? Болар хакында бүген "Ришвәтсез Татарстан" тапшыруында сөйләшәчәкләр. Кызыксындырган сорауларны 570-50-75 номеры буенча шалтыратып бирергә мөмкин. Шулай ук, ps@tnvtv.ru, vk.com/club41489839 сылтамалары буенча да хәбәрләр юлларга була.