Үзәк хәрби округта госпиталь базасында дрон операторлары әзерлиләр

Уку программасы махсус класста теоретик дәресләр үткәрүне күздә тота. Биредә тактик-техник сыйфатлар, программа тәэминаты, җиңел һөҗүм дроннарының төзелеше, аларны эксплуатацияләү һәм ремонтлау үзенчәлекләре өйрәтелә. Аннары алар дүрт атна дәвамында симуляторларда коптер тибындагы разведка пилотсыз аппаратлары һәм FPV-дроннары белән идарә итүнең төп күнекмәләрен эшләп карау буенча практик күнегүләр уза.

«Мин махсус операция зонасында шофер булдым, FPV-дроннарның техникага зыян китерүен күрдем. Шуңа күрә мин монда перспектива бар дигән фикердә. Шул сәбәпле укырга килдем. Минемчә, мондый сыйныфларны һәр госпитальдә оештырырга кирәк. Хәрбиләр ятып кына тормасын, яңа һөнәр үзләштерә алсын өчен», – дип сөйләде хәрби хезмәткәрләрнең берсе.

Дәресләрне махсус операция зонасында дроннар куллануда хәрби тәҗрибәсе булган инструкторлар үткәрә.

Курс тәмамлангач, хәрбиләр полигонда имтихан тапшыра һәм пилотсыз очучы аппарат операторы сертификаты ала. Тернәкләнү узганнан соң әзер белгечләр Саклану министрлыгының махсус операциягә җәлеп ителгән бүлекчәләрен ныгытуга җибәреләчәк.

Махсус операция зонасында Россия армиясе төрле типтагы дроннар – «Орлан», «Элерон-3», «Застава» һәм башкаларны актив куллана. 2024 елда гаскәрләр яңа разведка-һөҗүм пилотсыз аппаратлары, шулай ук камилләштерелгән FPV-дроннар алды.

РФ Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефон номеры буенча белеп була.