Узган төндә метро туктаган

Кичә төнге 11ләр тирәсендә "Яшьлек" станциясеннән "Төньяк вокзал" станциясе арасында гадәттән тыш хәл булган. Татарстан республикасы Гражданнар оборонасы эшләре һәм гадәттән тыш хәлләр министрлыгыннан алынган мәгълүматлар буенча, рельсларга техник бүлмәнең ишеге ауган булган. Поездга кинәт кенә туктарга туры килгән. Метрода булган 45 кешене эвакуацияләгәннәр. Зыян күрүчеләр юк.