Владимир Путин судьяларның хезмәт хакын арттыру турында указга кул куйды

Документ хокукый мәгълүматның рәсми порталында бастырылган.

Шулай итеп, 2023 елның 1 октябреннән Конституция һәм Югары суд судьяларының, гомуми юрисдикциядәге федераль судьяларның һәм арбитраж судларының, төбәкләрдәге мировой судьяларның вазифа оклады 1,055 тапкыр арта.

Документта хезмәт хакларын индексацияләү турында карар «социаль гарантияләрне тәэмин итү һәм үз вәкаләтләрен тулысынча, бәйсез гамәлгә ашыру өчен» кабул ителгән дип әйтелә.