Владимир Высоцкийның элеккеге хатыны, Совет актрисасы үлгән

Совет актрисасы һәм сценаристы, Владимир Высоцкийның икенче хатыны Людмила Абрамова 83 нче яшендә вафат булды, дип хәбәр итә РИА Новости.

"17 февраль көнне көндез Абрамова җан биргән", дип хәбәр итә агентлык.

Людмила Абрамова 1939 елның 16 августында туган. Кино сөючеләргә "713-й просит посадку", "Восточный коридор", "Красный чернозем" кебек фильмнардагы рольләре буенча яхшы таныш. Высоцкий белән Абрамова 1965-1970 елларда яшәгән, аларның ике уллары Аркадий һәм Никита бар.