Яңа ел каникуллары тәмамланды, киләсе озын ял көннәре февраль аенда булачак

Быел беренче озын ял көннәре тәмамланды. Ел ахырына кадәр татарстанлыларны тагын берничә бәйрәм яллары көтә.
I кварталда:
- 23 февраль-Ватанны саклаучылар көне уңаеннан дүрт көн рәттән ял итәчәкбез (23-26 февраль).
- 8 Март — Халыкара хатын-кызлар көне уңаеннан, атна уртасында, чәршәмбе көнне бер ял итәчәкбез.
II кварталда:
- 1 Май — Яз һәм Хезмәт бәйрәме-29 апрельдән 1 майга кадәр эшләми торган көннәр булачак.
- 9 Май - Җиңү көне - 6 майдан 9 майга кадәр бәйрәм итәчәкбез.
- 12 июнь - Россия Көне - бәйрәм көне дүшәмбегә туры килә, шуңа күрә ял көннәре 10-12 июньдә булачак.
IV кварталда:
— 4 ноябрь - Халыклар бердәмлеге көне-2023 елда шимбәгә туры килә, шуңа күрә 4-6 ноябрь көннәрендә эшләми торган көннәр булачак.