#Кыскача яңалыклар 27 февраль 2023, 09:21

Яңа туган балаларга сертификатлар бирелергә мөмкин

27 февраль 2023, 09:21

Керемнәре ике яшәү минимумыннан ким булган гаиләләрдә туган балага якынча 30 мең сумлык сертификат кертү тәкъдим ителде.

Скопировать ссылку

Бу турыда Россия депутатлары закон проекты әзерли.

Бала тугач та, бер тапкыр бирелә торган пособие күләме 2023 елда 22 909 сумны тәшкил итә. Ләкин инициатива авторлары фикеренчә, бу акча яңа туган сабыйга кирәк-яраклар алырга җитми. Сүз бала арбасы, карават, ванна, памперс, кием һәм башкалар турында бара. Күп кенә гаиләләр, бигрәк тә студентлар өчен боларның барысын да сатып алу матди яктан кыенлыклар тудырырга мөмкин, ди депутатлар.

Сертификат күләме ике төбәкнең яшәү минимумыннан да ким булмаска тиеш. Әйтик, быелдан яшәү минимумы 14375 сум дип билгеләнгән. Шулай булгач, сертификат күләме 30 мең сум булачак.

Кызыклы яңалыкларны күзәтеп бару өчен безнең МАХ каналына кушылыгыз.