#Кыскача яңалыклар 16 гыйнвар 2016, 08:00

Ярминкәләр кабат эшли башлады

16 гыйнвар 2016, 08:00

Бүген Казанда кабат ярминкәләр гөрли. Ярминкәләрдә агросәнәгать комплексы оешмалары тәкъдим иткән, районнардан китерелгән авыл хуҗалыгы товарларын арзанрак бәядән алырга мөмкин.

Скопировать ссылку

Казанда ярминкәләр тугыз урында эшли:

- Авиатөзелеш районы (Ленинград урамы 27 нче йорт) "Бәхетле" сәүдә комплексы каршындагы мәйданчыкта;

- Яңа Савин районы ( Адоратский урамы 21а ) "Яңа Савин күпләп-ваклап сату базары каршындагы мәйданчыкта;

- Вахитов районы (К.Тинчурин урамы 13) "Иске шәһәр" префектурасы һәм Чехов базары артындагы мәйданчыкта;

- Киров районы (Краснококшайский урамы 152/2 нче йор) "Җиләкле бистәсе" сәүдә үзәге каршысында;

- Мәскәү районы Г.Коләхмәтов һәм Восстание урамнары киселешендәге мәйданчыкта;

- Совет районы (Аграр урамы 2 нче йорт) "Казан" агросәнәгать комплексында һәм Дәрвишләр бистәсендә (Липатов урамы 7 нче йорт)

- Идел буе районы ( Җиңү проспекты 48а) "Чулпан" мәдәни үзәге каршындагы мәйданчыкта.

Сүз уңаеннан, "Яңа Тура" технополисы территориясендәге 1 нче павильонда да ярминкәләр уза.