#Кыскача яңалыклар 17 август 2023, 14:35

Җырларга килегез! Халык караокесы бәйгесе старт ала

17 август 2023, 14:35

Казанның Вахитов һәм Идел буе районнарында яшәүчеләр «Безнең ишегалды тавышы» халык караокесы конкурсында катнаша ала. Заявкаларны өч яшь категориясендә кабул итәләр: балалар (6 яшьтән 11 яшькә кадәр), яшүсмерләр (12 яшьтән 17 яшькә кадәр) һәм олылар (18 яшьтән олыраклар).

Скопировать ссылку

Теркәлү сылтама буенча уздырыла, ул беренче сайлап алу турына бер тәүлек кала ябылачак. Конкурс нигезләмәсе белән түбәндәге сылтама буенча танышырга була.

Сайлап алу турлары 16:00 сәгатьтә түбәндәге адреслар буенча узачак:

21 нче августта – «Авангард» скверында;

22 нче августта – «Әкият» балалар үзәге каршындагы мәйданчыкта;

23 нче августта – «Калейдоскоп» паркында.

Финал 28 нче августта Павлюхин урамы, 91 адресы буенча урнашкан сәүдә үзәге мәйданчыгында узачак.

Шундый ук конкурслар Казанның Авиатөзелеш һәм Яңа Савин районнарында һәм Совет районында уза.