Юлия Началованың үлемендә беренче ире гаеплеме?

Юлия бик еш кына диеталарда "утыра" торган булган. Әлеге шөгыле аның беренче ире «Премьер-министр» төркеме солисты, музыкант Дмитрий Ланской белән яшәгәндә башланган. Ир кеше мыскыл итеп, Юлияне "симез" дип атый торган булган.

Әлеге сүзләрне йөрәгенә алган Юлия беренче ире белән яшәгәндә 42 килограмм авырлыкка калган булган, ул анорексиядән интеккән, дип язды күпчелеп матбугат чаралары. Җырчының әтисе Виктор кызының иртә сәламәтлеге какшап, вакытсыз гомере өзелүдә аның беренче ирен гаепләде.

Ланскойга исә әлеге сүзләрдән соң журналистлар "ябырылган". Чынлыкта дүрт ел яшәү дәверендә Юлияне мәҗбүриләп ябыгырга өндәмәве һәм аның гаиләсен тынычлыкта калдыруларын сораган ул.

Бүгенге көндә 15 ел элек кавышкан яры телевидение режиссеры Екатерина Сапожникова белән матур гына яшәп яталар, аларның бер уллары һәм бер кызлары бар.